ភ្នំពេញ៖ សាខាការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ (ក.ប.ប.) រាជធានីភ្នំពេញ កាលពីថ្ងៃទី១៨ ខែធ្នូ ឆ្នាំ២០២៣ បានដុតបំផ្លាញចោលសាច់បង្កក មើមខ្ញី និងខ្ញីហាន់ ខូចគុណភាព និងមានលាយសារធាតុគីមីសរុប២,៣៩៨ គីឡូក្រាម។
សាច់បង្កក មើមខ្ញី និងខ្ញីហាន់ ២,៣៩៨គីឡូក្រាម ត្រូវបានដុតបំផ្លាញចោលដោយសារតែ ខូចគុណភាព កង្វះអនាម័យ មិនអនុលោមតាមបទប្បញ្ញត្តិបច្ចេកទេស និងមានការត្រាំនូវសារធាតុគីមី Sodium Hydrosulfite ដែលមន្ត្រីជំនាញបង្រ្កាបបាននាពេលថ្មីៗនេះ។
ក្នុងនោះ មានសាច់បង្កក ខូចគុណភាព ចំនួន ២,២២៨គីឡូក្រាម មើមខ្ញី ខ្ញីហាន់ត្រាំ មានផ្ទុកសារធាតុគីមីហាមឃាត់Sodium Hydrosulfite ចំនួន ១០ការ៉ុង ស្មើនឹង១៧០ គីឡូក្រាម។
ក្នុងពិធីដុតបំផ្លាញចោលនូវទំនិញខូចគុណភាពទាំងនេះ ក៏មានការសម្របសម្រួលនិងចូលរួមពីអាជ្ញាធរដែនដី និងការរិយាល័យនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលរាជធានីភ្នំពេញ៕
